Creación dun novo calendario

Para a creación dun novo calendario é necesario premer no botón "Crear". O sistema amosa un formulario no que o usuario pode realizar as seguintes operacións:

• Elixir a pestana na que desexa traballar:

  • Marcado de excepcións
  • Selección de horas traballadas por día.

• Se o usuario selecciona o marcado de excepcións:

  • Seleccionar un día específico do calendario.
  • Marcar o tipo de excepción. Os tipos dispoñibles son: vacacións, baixa, folga, festivo, festivo traballable.
  • Seleccionar a data de fin do intervalo de excepción (para marcar excepcións de 1 día de duración non se necesita modificar este campo).
  • Marcar o número de horas traballadas durante os días excepcionais.
  • Borrar excepcións previas.

• Se o usuario elixe a selección de horas traballadas por día:

  • Marcar as horas dispoñibles para cada día da semana (luns, martes, mércores, xoves, venres, sábados e domingos).
  • Crear novas distribucións de horas semanais aplicables no futuro.
  • Borrar distribucións de horas realizadas previamente.

Con estas operacións un usuario da aplicación ten a capacidade de personalizar os calendarios completamente ás súas necesidades. Para almacenar os cambios no formulario é necesario premer no botón "Gardar".

Edición de calendario

Inclusión de excepción en calendario

Creación dun calendario derivado

Un calendario derivado é un calendario que se crea como fillo dun existente, é dicir, herda todas as características do orixinal e ó mesmo tempo é posible modificalo para que conteña as súas particularidades.

Un exemplo de uso de calendarios derivados é a existencia dun calendario xeral para España e a creación dun derivado para só incluir os festivos galegos engadidos sobre os que xa estaban definidos no xeral.

É importante destacar que ante calquera modificación realizada sobre o calendario orixinal o calendario derivado é directamente afectado, sempre e cando, non se definira unha actuación concreta sobre el mesmo. Por exemplo, no calendario de España inclúese un día laboral no 17 de Maio con 8 horas de traballo e no calendario galego, que se creou como derivación, o día 17 de Maio é considerado un día de 0 horas de traballo por ser festivo. Se sobre o calendario español se cambian os días da semana do 17 Maio para que as horas dispoñibles sexan 4 diarias, no galego o que sucede é que todos os días da semana do 17 de Maio ten 4 horas dispoñibles excepto o mesmo día 17 que ten 0 horas, tal e como explicitamente se establecera antes.

Creación de calendario derivado

Para crear un calendario derivado na aplicación, é necesario facer o seguinte:

• Acceder ó menú de Administración.
• Premer na operación de administración de calendarios.
• Elixir un dos calendarios sobre o que se desexa realizar un derivado e premer no botón "Crear".
• Unha vez realizada esta operación o sistema amosa un formulario de edición coas mesmas características que os formularios para crear calendarios dende cero, coa diferencia de que as excepcións e as horas por día da semana se propoñen en base ó calendario orixinal.

Creación dun calendario por copia

Un calendario copiado é un calendario que se crea como copia exacta de outro existente, é dicir, que recibe todas as características do orixinal e ó mesmo tempo é posible modificalo para que conteña as súas particularidades.

A diferencia entre copiar e derivar un calendario radica nos cambios no orixinal. No caso de copias, se o orixinal é modificado, non afecta á copia, sen embargo, cando se deriva, si afecta ó fillo.

Un exemplo de uso de calendario por copia é o dispor de un calendario para Pontevedra e necesitar un calendario para A Coruña onde a maioría das características son as mesmas, sen embargo, non se espera que os cambios nun afecten ó outro.

Para crear un calendario copiado na aplicación, é necesario facer o seguinte:

• Acceder ó menú de Administración.
• Premer na operación de administración de calendarios.
• Elixir un dos calendarios sobre o que se desexa realizar un derivado e premer no botón "Crear".
• Unha vez realizada esta operación o sistema amosa un formulario de edición coas mesmas características que os formularios para crear calendarios dende cero, coa diferencia de que as excepcións e as horas por día da semana se propoñen en base ó calendario orixinal.

Calendario por defecto

Un dos calendarios existentes no sistema pode ser dado de alta como por defecto. Este calendario é o que se asigna a calquera entidade que no sistema sexa xestionado con calendarios.

Para configurar o calendario por defecto débese realizar o seguinte:

• Acceder ó menú de Administración.
• Premer na operación Configuración.
• Onde aparece o texto Calendario por defecto, seleccionar o que se desexe establecer como calendario por defecto da aplicación.
• Premer en Gardar.

Creación de calendario por defecto

Asignación de calendario a recursos

Os recursos só teñen activación, é dicir, horas dispoñibles para traballar, se dispoñen de un calendario asignado con un período válido de activación. Se non se lle asignou ningún calendario ós recursos, os recursos teñen asignado o calendario por defecto con un período de activación que comeza na data de alta e sen data de caducidade.

Calendario de recursos

Sen embargo, é posible eliminar o calendario asignado previamente a un recurso e crear un calendario novo a partir de un existente. Deste xeito hai recursos que poidan ser completamente personalizados a nivel de calendario.

Para asignar un calendario a un recurso é necesario dar os seguintes pasos:

• Acceder á edición de recursos.

• Elixir un recurso e premer en editar.

• Seleccionar a pestana de "Calendario".

• A partir da pestana anterior aparece un calendario coas excepcións, as horas traballables por día e os períodos de activación.

• Para cada pestana:

  • Excepcións: É posible elixir o tipo de excepción e un período no que se aplica para poder incluír as vacacións, días festivos, laborables diferentes, etc.
  • Semana de traballo: É posible modificar as horas traballadas durante os distintos días da semana (luns, martes, etc.).
  • Períodos de activación: É posible crear novos períodos de activación que reflicte as datas de inicio e fin dos contratos asociados ó recurso. Ver a seguinte imaxe.

• Para almacenar é necesario premer en Gardar.

• O usuario pode premer en Borrar se desexa cambiar o calendario asignado ó recurso.

Asignación de novo calendario a recurso

Asignación de calendario a pedidos

Os proxectos poden dispor de un calendario diferente do calendario por defecto. Para cambiar o calendario do pedido é necesario:

• Acceder ó listado de pedidos dentro da vista global de empresa.
• Editar o pedido en cuestión.
• Acceder á pestana de "Datos xerais".
• Seleccionar no despregable de selección o calendario que se desexa asignar.
• Premer en "Gardar" ou "Gardar e Continuar".

Asignación de calendario a tarefas

Do mesmo xeito que se permite asignar calendarios a recursos ou pedidos, é posible realizar a mesma operación para tarefas planificadas. Esta operación permite definir calendarios específicos para momentos concretos dun proxecto. Para realizar esta operación é necesario:

• Acceder á planificación de un proxecto.
• Premer no botón dereito sobre a tarefa á que se desexa asignar calendario.
• Seleccionar a operación "Asignación de calendario".
• Elixir o que se desexa asignar á tarefa.
• Premer en "Aceptar".