Administración de materiais

É posible xestionar unha base de datos de materiais básica organizados por categorías.

As categorías son contedores ós que se poden asignar materiais concretos e ó mesmo tempo máis categorías. Almacénanse en modo arbóreo de xeito que os materiais poden pertencer a categorías folla ou categorías intermedias.

Para administrar categorías:

• O usuario accede á operación de "Administración->Materiais".
• A aplicación amosa unha árbore de categorías.
• O usuario introduce un nome de categoría dentro da entrada de texto con un botón "Engadir" e preme no botón.
• A aplicación engade a categoría na árbore de categorías.

Se o usuario desexa posicionar unha categoría dentro da árbore de categorías debe seleccionar previamente a categoría pai en dita árbore para despois premer en "Engadir".

Para administrar materiais:

• O usuario selecciona a categoría para a que desexa incluír materiais e preme no botón "Engadir" na zona dereita de "Materiais".

• A aplicación engade unha nova fila baleira con campos para introducir os datos do material:

  • Código: Código do tipo de material (pode ser o código externo provinte dun ERP).
  • Descrición: Descrición do material.
  • Prezo da unidade: Prezo unitario de cada elemento de material.
  • Unidade: Unidade na que se desexa medir cada unidade de material.
  • Categoría: Categoría á que pertence.
  • Deshabilitado: Se o material está borrado ou non.

• O usuario enche os campos e preme no botón "Gardar".

A asignación de materiais a elementos de pedidos explícase no capítulo de "Pedidos".